Ang Keystone Lamps and Shades Inc. ay isang kumpanyang nakabase sa Maynila na dalubhasa sa pagdisenyo at paggawa ng mga de-kalidad at makabagong lamps and shades para sa mga tirahan at komersiyal na espasyo. Kilala ang kumpanya sa mataas na antas ng craftsmanship at disenyo, at patuloy na lumilikha ng mga produktong tumutugon sa iba’t ibang pangangailangan ng mga kliyente.

Kami ay naghahanap ng Welder! Kung ikaw ay may karanasan sa welding o nais matuto at magsimula ng karera sa larangang ito, maaaring ikaw na ang hinahanap namin.

Mga Tungkulin

• Binabasa at maingat na inuunawa ang mga plano at detalyeng ibinibigay ng Production Manager.
• Tinutukoy at pinag-aaralan ang bahagi ng lamps and shades na nakatalaga sa kanya batay sa plano.
• Inihahanda ang mga materyales at kagamitan na kakailanganin sa paggawa ng item.
• Nagbe-bend, naggugupit, at nagwe-weld ng mga materyales upang makabuo ng produktong eksaktong naaayon sa plano.
• Nagga-grind upang pakinisin ang surface ng lamps and shades bago ito ipasa sa susunod na proseso.
• Gumagamit ng TIG/welding machine sa pagbuo ng iba't ibang bahagi ng lamps and shades.
• Tinitiyak na ang mga natapos na items ay sumusunod sa plano, malinis, at pumapasa sa kalidad ng Keystone.
• Nagdadala ng mga tapos na produkto sa Finishing Department para sa susunod na proseso.
• Tumatanggap ng iba pang gawain at handang tumulong sa ibang departamento kung kinakailangan.
• Pinapanatiling malinis at maayos ang sariling lugar ng trabaho.

Mga Kwalipikasyon

• May karanasan sa paggawa ng muwebles at welding (ngunit open kami sa trainees).
• Marunong mag-operate ng iba’t ibang uri ng makinarya.
• Sanay at bihasa sa paggamit ng grinder.
• May mahusay na hand control habang nagwe-weld.
• Mabusisi at may mataas na atensyon sa detalye.